RGPD - Cookies
Cultura Vigo al día

Ecoloxistas en Acción demanda ao Concello unha ‘moratoria’ na talla de árbores en Vigo

Denuncia a talla de árbores dende 2009, cando empezaron as ‘humanizacións’

O día dos Santos Inocentes de 2020 pasará a historia coma o día no que a histórica Ronda de Don Bosco perdeu totalmente o seu patrimonio histórico natural. Os derradeiros cedros desta praza foron tallados en ‘aras da seguridade veciñal’ , según as autoridades locais.

Ecoloxistas en Acción lembra que «o conxunto de árbores da praza fora xa eliminado», caendo outros 2 cedros en xuño como «resultado dos recortes realizados nas extensas raíces, que os operarios mutilaron para poder realizar a cementación das obras«. Moitos veciños e asociacións daban por perdidos os outros dous cedros que foron apuntalados con estacas para evitar a súa caída.

O comunicado oficial do Concello recoñece que as dúas árbores tiñan perigo de desplome pero non asume a responsabilidade (ou a responsabilidade da empresa contratada), por neglixencia ó «non cumplir cos pliegos do contrato para executar o proxecto orixinal, o cal incluían mais zona verde nas infografías e o propio alcalde asegurou que non se eliminarían os 4 cedros históricos«.

Tallas de árbores en Vigo dende o inicio das ‘humanizacións’ en 2009

Ecoloxistas en Acción denuncia que dende o ano 2009, coincidindo coas inversións do «Plan E» para as denominadas «humanizacións»das rúas de Vigo, van sucedendose na cidade olívica periódicas tallas de árbores en rúas, parques e xardíns.

Un trás outro, choupos, tileiras, plataneiros e aligustres foron eliminados consecutivamente das rúas humanizadas en Coia, A Doblada, Areal, Oporto, Jenaro de la Fuente, Venezuela, Alameda e das remodelacións do centro da cidade.

Os ecoloxistas, así como diversos colectivos culturais e sociais de Vigo hai tempo que avisan de que os proxectos deben ter en conta as árbores. Deben buscar as alternativas para manter e potenciar o máximo número de exemplares en rúas, prazas e parques. «Os servicios ecosistémicos das árbores urbanas son moi importantes para o benestar e saude dos cidadás e a calidade de vida nas ciudades, influindo sobre o valor de vivendas e establecementos comerciais».

Moratoria na talla de árbores

A organización ecoloxista demanda ao Concello unha moratoria á talla de árbores urbanas e que partidos políticos, asociacións veciñais e ecoloxistas acorden un «Plan de infraestructura verde da cidade de Vigo. Ecoloxistas en Ación solicita ademais priorizar a restauración das rúas desarborizadas, convertir o Parque do Castro nun «Central Park» vigués libre de coches e reforestado e facer realidade o cinturón verde extraurbano eliminando as especies pirófitas.

Ecoloxistas en Acción sinala que de seguir a cidade sen un «Plan municipal de infraestructura verde», Vigo quedará totalmente afastada das cidades que están realizando esforzos para mellorar zonas verdes, ampliar zonas peonís e potenciar a calidade do arborado urbano, para loitar contra o cambio climático, mellorar a calidade de vida, reducir as enfermedades e engadir valor ós barrios.

También te puede interesar