O Bloque Nacionalista Galego vén de demandar que o Goberno local aclare cales son os límites de aforo nos buses de Vitrasa. Ademáis, o seu concelleiro pide que se que tomen medidas para garantir que se respeitan.
Aliás, o BNG volveu reclamar que se reforce con máis buses as liñas e frecuencias de maior demanda para evitar amoreamentos e garantir as condicións preventivas fronte á Covid19.
Propostas dende o inicio da pandemia
Xabier P. Igrexas, lembrou que desde o inicio da pandemia o Bloque fixo numerosas propostas ao Comité de Seguimento Municipal da Covid19 en relación con Vitrasa. «O bus urbano é un servizo esencial para a cidade e instamos de maneira reiterada a que se adoptasen medidas para facelo seguro», explicou.
Os condutores non saben cal é o límite de pasaxeiros
Igrexas advertiu que, segundo a información da que dispoñen, a dirección de Vitrasa asegura non ter que cumprir os límites legais de aforo ditados por se tratar de buses urbano e que o persoal non ten constancia formal de cal foi o límite de aforo comunicado desde o Concello.
