RGPD - Cookies
Cultura Vigo al día

@AsocLazoiro denuncia a destrucción con maquinaria pesada de parte do Castelo de Aitona, en Salvaterra

Lazoiro alerta do «estado de abandono do mesmo por parte da Administración»

O Castelo de Santiago Aitona, (declarado como Ben de Interese Cultural -BIC- de Galicia) é unha fortificación abaluartada realizada en terra e situada no lugar do Casal. O mesmo, segundo denuncia a Asociación Lazoiro, «atópase nun estado de abandono por parte da Administración e sen ningún tipo de sinalización».

Lazoiro leva anos solicitando a súa sinalización e mesmo formalizou fai uns meses unha queixa perante a Dirección Xeral de Patrimonio da Xunta, «que fixo caso omiso das nosas advertencias».

Traballos con maquinaria pesada

Esta semana tívose coñecemento a realización de obras de grandes dimensións con maquinaria pesada que afecta ao BIC, trátanse de movemento de terras, talas de árbores e levantamento dun muro de grandes dimensións. 

A asociación lamenta, unha vez máis, o «abandono por parte de Patrimonio e do Concello de Salvaterra do Castelo de Santiago Aitona, que podería ser usado para fomentar o turismo e posta en valor do noso patrimonio».

También te puede interesar