Nunha entrevista concedida á TVG, Pablo Iglesias asegurou que haberá transferencia da Autopista do Atlántico ao Goberno de Galicia, unha petición unánime do Parlamento galego que fora bloqueada no Congreso-curiosamente cos votos dos deputados galegos do Partido Popular- e logo rexeitada polo goberno Rajoy.
O vicepresidente segundo do Goberno, que estivo esta fin de semana en A Coruña, primeiro nun acto coa raiña e logo na presentación da candidatura de Antón Gómez Reino como candidato de Galicia en Común á Presidencia da Xunta, declarou nunha entrevista na Televisión de Galicia, «o teño clarísimo: este goberno vai ter que dar as competencias da xestión desa autopista ao Goberno galego».
Tamén dixo @PabloIglesias, sobre a AP-9, que "este Goberno vaille dar a xestión da autoestrada ao Goberno galego" https://t.co/ojH2KFDZgp pic.twitter.com/J6ydqW1pl7
— G24 (@G24Noticias) March 2, 2020
Hai que lembrar que a cesión da AP-9 é unha das condicións que figuran no acordo do PSOE co BNG que permitiu o voto favorable do seu deputado, Néstor Rego, á investidura de Pedro Sánchez.
