A doutora Ana Tobar Quintanar é a nova subdirectora de Procesos de Soporte da Área Sanitaria de Vigo. Tobar é inspectora médica, funcionaria de carreira por oposición do Corpo de inspección de Servizos Sanitarios da Xunta desde hai 15 anos
Licenciada pola Universidade de Santiago de Compostela, é especialista en Medicina Familiar e Comunitaria. Realizou o seu período de residencia no Centro de Saúde de Sárdoma e posteriormente desempeñou a súa actividade en distintos centros de Atención Primaria da área sanitaria.
