RGPD - Cookies
Galicia

Isabel Rey, nova subdirectora de Procesos sen Ingreso e Urxencias da Área Sanitaria de Vigo

O Diario Oficial de Galicia publica este mércores o nomeamento de Isabel Rey Gómez-Serranillos como nova subdirectora de Procesos Asistenciais da Área Sanitaria de Vigo.

A nova  subdirectora de Procesos sen Ingreso e Urxencias viña desenvolvendo o posto de Coordinadora de Farmacia de Atención Primaria  desde hai unha década,  participando coa dirección asistencial no seguimento dos indicadores de Calidade de prescrición e actuando como interlocutora entre os distintos niveis asistenciais na farmacia asistencial.

Doutora en Farmacia pola Universidad de Santiago de Compostela e diplomada en Óptica Oftálmica e Acústica Audiométrica pola Universidad de Barcelona, conta ademáis cunha amplia  formación en farmacoeconomía e xestión sanitaria.

A súa traxectoria profesional está ligada á Atención Primaria na área sanitaria de Vigo, traballando como farmacéutica nos servizos de Atención Primaria de Teis e Rosalía de Castro.

Foi membro da distintas Comisións de farmacia autonómicas e da área de Vigo, e na actualidade é membro da Comisión Provincial de Farmacia.

También te puede interesar