Persoal de limpeza dos colexios públicos e escolas infantís de Vigo participou este mércores nunha concentración diante da sede de Mantelnor, empresa concesionaria do servizo, para rexeitar o despedimento dun compañeiro e reclamar a súa inmediata readmisión.
As traballadoras e traballadores volverán a mobilizarse diante da compañía o próximo mercores 16, mentres que os vindeiros días 23 e 30 farano no Concello para demandar a implicación do Goberno local.
A representación do plantel de Mantelnor reclama a inmediata readmisión do despedido e instan a empresa a aplicar outra medida «menos drástica» no caso de que o considere oportuno.
