Este sábado, militantes de Galiza Nova e mais do Bloque Nacionalista Galego despregaron unha bandeira xigante da patria no monte do Castro, nas inmediacións do antigo castelo. A acción enmárcase dentro dos actos da III Semana da Patria para «afirmar o noso orgullo de sermos galegos e galegas e reivindicar o noso dereito como pobo a decidir o noso propio futuro conquistando a plena soberanía nacional para Galiza”, explican desde s organizacións nacionalistas.
Esta reivindicación ten este 2018 un tratamento máis especial, ao se cumprir 50 anos da recuperación da celebración do Día da Patria Galega, impulsada polo nacionalismo galego na altura de 1968.
Os actos da III Semana da Patria continuarán este domingo, cun roteiro reivindicativo na Illa de San Simón, no que o deputado Luís Bará exercerá de guía.
