Ciencia y Tecnología Vigo al día

Teleasistendia da @depo_es axudou en 2017 a máis de 500 persoas, atendeu 5.000 alarmas e fixo 400 visitas a domicilio

O servizo de teleasistencia domiciliaria da Deputación de Pontevedra asistiu ao longo de 2017 a 519 persoas de 46 concellos da provincia de menos de 20.000 habitantes, o que supuxo un incremento de case o 20% con respecto á actividade do ano anterior. Amais, atendeu preto de 5.000 alarmas e realizáronse máis de 400 visitas aos domicilios.

Ante unha situación de emerxencia no fogar, con só pulsar un botón, os e as usuarias reciben asistencia inmediata, 24 horas ao día e 365 días ao ano, mobilizando os recursos necesarios para dar solución ao problema. Isto é posible grazas a un terminal asociado á liña telefónica, que se instala nos domicilios e que permite establecer unha comunicación directa desde calquera punto da casa, similar ao sistema de “mans libres” dos teléfonos móbiles.

O servizo de teleasistencia da Deputación de Pontevedra préstase actualmente en 46 concellos da provincia con menos de 20.000 habitantes. No ano 2017, houbo 519 terminais instalados en fogares destes concellos, 83 máis dos que había en 2016.

Ao longo do 2017 atendéronse un total de 4.735 alarmas (cun tempo medio de atención de 10,6 segundos e de resolución de incidencias foi de 1 minuto e 28 segundos) desde os terminais. Por número de chamadas destacan os usuarios dos concellos de Tomiño, con 358; O Porriño, con 327; Mos, con 299; O Grove, con 258 e Sanxenxo, con 232 chamadas.

También te puede interesar