Ciencia y Tecnología Vigo al día

O Área Sanitaria de Vigo na “vangarda mundial” no tratamento do cancro

O Complexo Hospitalario Universitario de Vigo (Chuvi) convértese nun dos primeiros no mundo en incorporar MR-CAT, unha nova técnica de diagnóstico por resonancia deseñada por Philips que supón un “salto cualitativo” para planificar os tratamentos de radioterapia.

Segundo informou o Goberno de Galicia nun comunicado, este sistema supón un “importante avance” tanto para os profesionais como para os pacientes de oncoloxía e pon á Área Sanitaria de Vigo na “vangarda mundial” do tratamento do cancro.

O MR-CAT está instalado no Hospital Álvaro Cunqueiro e as planificacións de radioterapia realizaranse, posteriormente, no Hospital do Meixoeiro.

Ata agora, a planificación da radioterapia baseábase na combinación de dúas probas de diagnóstico por imaxe: a resonancia magnética (RM), que permite delimitar a zona tumoral a irradiar, e a tomografía computerizada (TC), que cuantifica a dose de radiación a aplicar. O novo sistema combina ambas utilizando unicamente a resonancia para determinar o tratamento que se vai a administrar.

También te puede interesar