O Goberno Local autorizou este luns o cambio do trazado da segunda fase das escaleiras mecánicas da rúa II República, que unen Porta do Sol con Abeleira Menéndez, para salvar unha galería histórica e evitar danos na cimentación da muralla do século XVII atopadas nos sondaxes arqueolóxicas.
Ambas “cuestións importantes” apareceron baixo o solo nas catas arqueolóxicas previas á execución da segunda fase da escaleira mecánica, explicou o alcalde, polo que o Concello acordou modificar o proxecto e cambiar o emprazamento desta.
Segundo detallou Abel Caballero, as sondaxes revelaron a existencia dun tramo de cimentación da antiga muralla da cidade do século XVII e unha galería soterrada de época histórica.
O goberno local, seguindo as indicacións dos arqueólogos, prioriza coa modificación do trazado salvar a galería ao tempo que non producirá “ningún dano sensible” na cimentación da muralla.
