Imágenes:vigoalminuto/Enrique Dans participa dende primeira hora desta mañá, no antiguo Rectorado-que está ateigado dende as 9 da mañá- nun ‘almorzo networking’ organizado pola Rede SmartPeme da Diputación de Pontevedra, cita á que asisten a presidenta do organismo provincial, Carmela Silva, e o alcalde Caballero.
Trátase dunha iniciativa que ten coma obxectivo asesorar a PEMES e autónomos na aplicación das novas tecnoloxías para mellorar a súa competitividade.
Dans é experto en innovación e tecnoloxía e profesor de Sistemas de Información na IE Business School e está en Vigo para aportar a súa visión estratéxica sobre a importancia da adaptación e sobre o cambio que o uso das novas tecnoloxías supón para as empresas.
Carmela Silva sinalou na presentación a necesidade de pasar de unha educación analóxica a unha educación dixital, “unha nova forma de educar que poña nas mans dos estudantes novas ferramentas”. Silva salientou que as PEMES teñen nas novas tecnoloxías un “instrumento esencial para xestionarse mellor, isto é o que perseguimos en Smart Peme,un servizo de balde impulsado pola Deputación para axudar e asesorar a pequenas e medianas empresas e autónomos”.
