Galicia Sucesos

Tres mortos e 60 feridos nas estradas galegas a pasada fin de semana

ARCHIVO

Urxencias Sanitarias de Galicia-061 asistiu durante a fin de semana a 63 persoas debido a 52 accidentes de tráfico ocorridos nas estradas galegas entre as 3 da tarde do venres, día 16, e as 12 menos un minuto da noite deste domingo. O día que rexistrou máis incidentes foi o sábado con 22 accidentes.

A Central de Coordinación do 061 recibiu nestes días 62 chamadas en relación cos accidentes de tráfico. Estas alertas xeraron 52 asistencias sanitarias por parte do persoal do 061 que atenderon a un total de 63 persoas.

Os recursos sanitarios mobilizados polos médicos que atenderon as chamadas na Central de Coordinación do 061 foron 75. Así, a ambulancia medicalizada acudiu en cinco sinistros,   o helicóptero medicalizado asistiu nunha ocasión, as ambulancias asistenciais mobilizáronse en 59 sinistros e os médicos de Atención Primaria que medicalizan as ambulancias asistenciais do 061, no caso de necesitalo, prestaron asistencia sanitaria en sete accidentes. As ambulancias convencionais acudiron en tres sinistros.

En 54 casos os feridos foron trasladados aos centros sanitarios correspondentes, en seis ocasións atendeuse no propio lugar do incidente e tres persoas faleceron no punto.

También te puede interesar