Ciencia y Tecnología Vigo al día

‘O libro das amigas’, homenaxe a Begoña Caamaño, este mércores en Vigo

BegoñaCaamañoEste mércores, 2 de marzo, ás 7 da tarde, no Centro de Documentación e Recursos Feministas, preséntase o libro: “O libro das amigas” para Begoña Caamaño. Interveñen: Amanda Álvarez, Bea Caamaño, Carme Panero, María Xosé Porteiro e María Xosé Queizán.

O libro das amigas é unha homenaxe á escritora Begoña Caamaño, no primeiro aniversario do seu falecemento. Son máis de 20 amigas que xuntan os seus textos para lembrar a “Begoñísima”

“No mestrondo da dor do iceberg que se desprende emerxe un géiser a quentar os corazóns. Será tal vez unha reparadora ilusión. É estraño de seu: un iceberg e un géiser xuntos nunha frase, máis no inicio dun limiar (…) Na dor arestada e fría do desprendemento emerxe a calor volcánica da auga a nos acompañar. Isto é, pois un géiser. un libro líquido para nos quecer” (Limiar do Libro das amigas)

Begoña Caamaño (Vigo 1964- Santiago de Compostela 2014). Feminista, xornalista e escritora. Como xornalista traballou en seccións de cultura e sociedade dos informativos de Radio Galega desde 1989; primeiro na delegación de Vigo no programa “Trecolas” e despois na redacción central da radio en Santiago, traballando para distintos informativos e para o “Diario Cultural”.

Antes traballou nos servizos informativos de Radio Popular de Vigo e en Radio Noroeste. Colaborou na Nosa Terra, Tempos e Novas dá Galiza, e é autora de reportaxes e artigos nas revistas “Festa dá Palabra Silenciada” e “Deliberadamente”. É autora das novelas Circe ou o pracer do azul e Morgana en Esmelle. Begoña recibiu diversos premios entre os que destacan Premio da Crítica ao Mellor Libro de Narrativa, o Premio ao Mellor Libro de Ficción para a Asociación Galega de Editores, Premio Antón Losada Diéguez e Premio da Asociación de Escritores e Escritoras en Lingua Galega ao Mellor Libro de Narrativa, todos no o ano 2012. A súa morte temperá conmociona, no outono de 2014, á sociedade galega.

También te puede interesar