Peinador, perdeu un 2,9% dos seus pasaxeiros en abril fronte ao mesmo mes de 2014, baixando dos 54.000 do ano pasado a 52.461.
Destes viaxeiros, 52.415 utilizaron voos comerciais, 48.937 en traxectos nacionais e 3.478 en internacionais. En canto ás operacións, en Peinador rexistráronse ao longo do mes de abril, 781 voos (un 2,5% máis), dos cales 608 foron voos comerciais.
Destes, 530 movementos foron operacións nacionais e 78 internacionais. Pola terminal de carga do Aeroporto de Vigo movéronse durante o cuarto mes do ano, 37 toneladas de mercadorías. No primeiro cuatrimestre do ano, pasaron pola terminal viguesa 192.450 pasaxeiros, 2.770 aeronaves e 170 toneladas de mercadoría.
O maior incremento interanual en abril, dos tres aeroportos de Galicia rexístrase na terminal de A Coruña, na que os pasaxeiros aumentan un 3,6% respecto ao mesmo mes de 2014, ata alcanzar os 83.656. Pola súa banda, en Santiago rexistrou en abril 196.481 pasaxeiros, o que supón un 2,5% máis que no mesmo mes de 2014.
