O litoral galego estará este martes en alerta amarela por ondas de entre 4 e 5 metros de altura durante a tarde e noite. Segundo o Boletín de tempo meteorolóxico publicado por MeteoGalicia, nas primeiras horas continuarán os ventos fortes no litoral Norte. Tras o paso dunha fronte as ondas quedarán por enriba dos 4 metros e mesmo superarán os 5 nas últimas horas do día.
O aviso será amarelo dende as 9 da mañá no litoral da Coruña, con ondas por mar de fondo do Noroeste de entre 4 e 5 metros de altura. No litoral da Mariña lucense e nas Rías Baixas, o aviso será amarelo a partir das 3 da tarde por ondas por mar de fondo do Noroeste entre 4 e 5 metros.
A fronte deixará cantidades significativas de chuvia en puntos da Coruña, polo que o aviso será amarelo entre as 3 da maña e o mediodía de hoxe deste martes no sueste e Oeste coruñés por precipitacións localmente de máis de 40 litros por metro cadrado.
