A cardiopatía isquémica, o cancro de pulmón e o ictus son as enfermidades que priman dentro do novo Plan de Prioridades Sanitarias 2014-2016, que ten como obxectivo estratéxico diminuír o padecemento destas.
O secretario xeral técnico da Consellería de Sanidade presentou este sábado o plan, que recolle 17 prioridades que inclúen 108 obxectivos, 248 accións de mellora e 344 indicadores deseñados para a súa monitorización e seguimento.
No plan priman oito problemas de saúde sobre os que o sistema sanitario galego «debe traballar especialmente». A cardiopatía isquémica é o primeiro deles e ocupa o segundo posto como causa de mortalidade e o terceiro en reducir anos de esperanza de vida. Séguea o cancro de pulmón, que é a terceira causa de mortalidade en Galicia -a primeira en homes e a sétima en mulleres-, e o ictus, que ocupa o terceiro lugar entre as prioridades e a diabete mellitus atópase na cuarta posición. O quinto problema sinalado polo plan é a depresión, considerada unha prioridade sanitaria pola súa frecuencia e o sufrimento que ocasiona.
A enfermidade pulmonar obstrutiva crónica (EPOC), o cancro de colon e o cancro de mama atopan entre as oito enfermidades prioritarias do novo plan. O cancro de mama segue ocupando o terceiro lugar entre as causas de morte das mulleres galegas.
