A remuneración de asalariados acumula catro anos consecutivos de caídas en Galicia e España, de acordo cun estudio sobre salarios publicado este luns polo Instituto Galego de Estatística (IGE). Segundo o informe, isto débese «fundamentalmente» á caída no emprego asalariado, e nos últimos anos da serie, á caída da remuneración media.
En concreto, en Galicia, os descensos interanuais foron do 0,1; 2,2; 2,3 e 5,9% en 2009, 2010, 2011 e 2012, respectivamente. Previamente, en 2007, os salarios creceran un 9,7% respecto ao exercicio anterior e en 2008 incrementáronse nun 4,6%.
Pola súa banda, a evolución no conxunto estatal reflicte baixadas do 2,4; 1,9; 0,7 Y 5,6% nos últimos catro anos para os que ofrece datos o IGE. Mentres, para a media da Unión Europea, os salarios solo caeron en 2009 -un 3%-.
