A montaña de Lugo permanece este martes en alerta amarela por acumulación de neve, que superará os cinco centímetros en 24 horas, segundo o boletín de tempo meteorolóxico adverso publicado por MeteoGalicia.
O mesmo advirte que se formará un corredor de ventos do Norte sobre Galicia, que facilitará a chegada dunha masa de aire ártico e húmido, con neve especialmente na montaña lucense.
En todo o Estado, 25 provincias estarán este martes en alerta por vento, chuvia, ondas e neve, coa cota en 600 metros no Norte peninsular, segundo a predición da Axencia Estatal de Meteoroloxía (Aemet), que destaca as precipitacións localmente fortes que terán lugar no leste de Cataluña e Baleares, así como os ventos fortes en zonas do nordés peninsular, Baleares e Melilla.
