Unha decena de mulleres iniciarán, á medianoite deste martes – nun local que está preto da Audiencia Provincial de A Coruña-, unha folga de fame para denunciar a «indefensión» de vítimas de violencia de xénero e dos seus fillos. Segundo informou a presidenta da Asociación Galega para a Defensa de Vítimas de Violencia de Xénero ‘Ve-laluz‘ a súa intención é manter a folga de fame «ata que se asegure a protección dos menores e as mulleres debidamente» ante a que cualificou de «insostible situación actual».
Gloria Vázquez denunciou, ademáis o «maltrato institucional e xudicial» a este colectivo e sinalou coma exemplo delo que dende o mes de xuño non hai presuposto para o ‘salario da liberdade e tampouco hai vivendas para acoller as mulleres vítimas de agresións.
Vázquez subliñou que “vivimos nunha das maiores desproteccions, enmascaradas con protocolos e axudas que na práctica non existen», e engadiu que hai xuíces «que non aplican a Lei Integral de Violencia de Xénero», citando como proba que o 64% das denuncias por maltrato rematan en sobresemento.
