A Concellería de Participación Cidadá de Redondela anunciou este xoves a reapertura do local de ensaio da Avenida Mendiño despois de que o departamento de vías e obras do Concello realizarse un arranxo que tivo un coste aproximado duns 5,000€. O mesmo foi necesario debido os desperfectos no teito por filtracións de humidade, ademáis dos actos de vandalismo que se produciron nos ultimos meses, o que supuxo o seu peche inmediato para evitar accidentes nas persoas usuarias.
Despois de varios meses de obras, nas que se colocou un teito novo e se puxeron tamén portas novas ademais de pintar o interior, ábrese o local que é utilizado por vinte grupos que van dende o rock ata a música tradicional ou instrumentos como a gaita e saxofón.
