Galicia

Vinte embaixadores da UE, en Galicia para tratar de fondos europeos e emprego

Os embaixadores veñen a botar un ollo ao que se fai cos cartos de UE en Galicia

Unha delegación de embaixadores dos países da Unión Europea en España chegará este luns a Galicia, cunha axenda que xirará en torno a tres eixes: fondos europeos, sectores produtivos da economía e cultura; na liña da presidencia irlandesa da UE neste primeiro semestre do ano.

Tratase dunha vintena de embaixadores da Unión Europea acreditados en España, o director da Oficina da Comisión Europea en Madrid e o embaixador de Croacia en España, xa que Croacia convertérase no Estado numero 28 da UE o vindeiro mes de xullo.

Durante os días 20 e 21 de maio, analizarán  asuntos como a correcta utilización dos fondos europeos que ten feito en Galicia. Con este obxectivo, realizarán visitas de traballo a proxectos tecnolóxicos e de I+D+i como o Centro de Investigación Molecular e Enfermidades Crónicas da USC ou o proxecto ‘Smart City’ da Coruña.

Outra das prioridades da Presidencia irlandesa -organizadora da visita- será dinamizar a economía, creando emprego, garantindo o crecemento e apostando pola innovación e a internacionalización. Neste sentido, incluirase na axenda dos embaixadores a visita a dúas empresas galegas de referencia: a compañía agro-ganadera Feiraco e o grupo textil Inditex.

 

También te puede interesar