O vindeiro sábado, día 24 de Setembro, a Asociación Cultural ‘O Coto’ celebra a “ XIII Xuntanza Folclórica” no Colexio Carballal. Segundo informa a Asociación Cultural, o acto dará comezo ás 8 e media da tarde e nel estarán presentes os seguintes grupos:
Grupo de Danzas «Tierra Noble « de Las Quintanillas (Burgos)
Grupo Etnográfico «A Buxaina» do CRAC de Coruxo.
Grupo de pandeiretas «Os Atrevidos do Carballal».
Grupo Folclórico «Airiños do Coto«.
Dende a Asociación Cultural «O Coto», animan, un ano máis, aos amantes do folclore, a que pasen con eles “unha pequena parte do seu tempo”, disfrutando con esta mostra, unha das de máis raigame na cidade.
