As Neves seguirá tendo un alcalde do Partido Popular. Raúl Emilio Castro revalidará o seu cargo como alcalde da localidade por cuarta lexislatura consecutiva tras acadar seis concelleiros nas últimas eleccións municipais, onde a participación foi de case o 74%. Con algo máis do 51% dos votos, o Partido Popular gobernaría outros catro anos a pesar do importante pulo conseguido polo Bloque Nacionalista Galego, que nesta ocasión fíxose con catro concelleiros co 33% dos votos.
Os grandes damnificados son o PSOE de Manuel Eduardo Mariño, que apenas conseguíu un concelleiro e o 14% dos votos, e Esquerda Unida que, con Carlos Álvarez, era a primeira vez que se presentaba na historia da democracia neste concello e que non conseguíu ningún concelleiro.
