Non sairá bicho vivo do Berbés este fin de semana. Antón Reixa foi o encargado de dar o pistoletazo de saída á oitava Festa do Marisco de Vigo, na que poderás disfrutar ata o vindeiro domingo do mellor marisco a prezos aptos para todos os petos e coa mellor materia prima imaxinable. “Como vigués e como galego, calvo e bivalvo, síntome inmensamente honrado e agradecido por ser o pregoeiro desta Festa do Marisco”, asegurou no seu discurso.
Tras resaltar que Vigo é unha potencia oceánica de vida e marisco, Reixa quixo facer un alarde de orgullo confesando estar convencido de que o comezo de vida intelixente foi cando o primeiro ser humano decidiu alimentarse dunha centola. Escoltado por persoeiros imprescindibles da Independencia de Vigo, como Vázquez Varela, Cachamuiña ou Carolo, o pregoeiro deu paso ao primeiro premio Concello de Vigo-Xornadas Marisqueiras, que recaeu en María do Carme Ríos, “unha muller que se ten caracterizado polo seu traballo e esforzo para facer realidade esta festa”.
