RGPD - Cookies
Agenda Cultura

Viaxa ao interior das paisaxes con Landriña

A mascota de Castrelos, Landriña.
A mascota de Castrelos, Landriña.

As paisaxes serán as protagonistas esta mañá nos ‘Domingos de Museo’ que se desenvolve cada semana no Museo da Cidade, no Pazo Quiñones de León, no obradoiro para rapaces e público familiar. Ata 15 nenos poderán disfrutar de ‘Landriña viaxa ao interior das paisaxes’, que comezará ás 11:30 horas e que levará aos máis pequechos polos seus cadros favoritos da colección que alberga Castrelos.

No percorrido, Landriña amosará como ademais de utilizar a liña e a cor, os artistas usan a luz e as sombras para crear ambientes e sensacións en función do que queren suxerir ao público. Coa axuda da imaxinación, os que se acheguen ao obradoiro poderán viaxar ao interior desas paisaxes e descubrir cores, olores, personaxes e animais que servirán para crear unha historia ao seu redor.

O obradoiro completarase cun xogo no que se porá a proba a capacidade de observación de todos os participantes. Cada rapaz pode acudir cun máximo de dous acompañantes.

También te puede interesar