RGPD - Cookies
Cultura Vigo al día

Pasen e vean damas e cabaleiros! o meirande espectáculo do mundo!

CircoO espectáculo «Castrelos Circus», que terá lugar no auditorio de Castrelos o hoxe (22:30 horas), ofrecerá ao público vigués un programa único. O concelleiro de Cultura indicou na presentación que será un espectáculo irrepetible de homenaxe ás orixes do circo. O director da compañía «La Fiesta Escénica«, Abel Martín, organizadora do evento, indicou que acoden a Vigo para participar artistas e números que «nunca estiveron en España e que nunca se xuntaron no mesmo escenario«.O concelleiro destacou o novo concepto de circo, no que se mesturan «contorsionistas, trapecistas, acrobacias, malabares, música, poesía e imaxe».

Pola súa banda, o creador do espectáculo explicou que o show está baseado na historia do circo, «que nace como un espectáculo ecuestre e nos facemos un espectáculo ecuestre sen animais«. Martín destacou que «foi un pracer facer este traballo xa que lles permitiu traer a Vigo aos mellores do mundo que estiveron en todos os escenarios do mundo e volver a xuntar a toda esta xente vai a ser moi complicado, case imposible», ademais o director explicou que levan varios meses traballando na preparación do espectáculo e «fixemos unha escenografía monstruosa«.

O espectáculo. Castrelos Circus é un gran show inspirado nos lendarios números de cabalos, pero sen animais reais, onde a compañía «La Fiesta Escénica» amosa o seu talento dando renda solta á súa creatividade máis desbordante. O auditorio de Castrelos é o mellor espazo escénico para poder desenvolver este show cheo de personaxes creados exclusivamente para este espectáculo. É un proxecto que fusiona imaxe e técnica circense para crear un espectáculo visual presentado por un equipo de artistas seleccionados de entre os mellores do mundo (o dúo de trapecistas Sorella, o acróbata búlgaro Encho Keryazov, o arxentino Bruno Sainz, os acróbatas Crazy Fly, os contorsionistas «China Acrobatic Troupe» ou a equilibrista Leilani Franco).

O prezo das localidades é de 8 euros en venda anticipada e 10 euros en despacho de billetes (con cadeira). Puntos de venda: Servinova, Central de Espectáculos (R/ Velázquez Moreno) e no despacho de billetes do auditorio de Castrelos.

También te puede interesar