RGPD - Cookies
Destacados Vigo al día

O Casco Vello navega por Internet ‘by the face’

O Casco Vello inaugurou hoxe a rede Wimax, un sistema co que se ofrece acceso a internet de balde en 14 espazos públicos da cidade. Cun orzamento de 750.000 euros financiados a través do Plan E, esta rede pretende redundar na recuperación e revitalización deste barrio histórico como complemento ás humanizacións, á rehabilitación de edificios e á instalación de novos servizos.

Trátase dunha rede de banda ancha, sen cable e cunha capacidade de 14 megas con catro puntos de emisión para cubrir toda a cidade: o Concello, O Castro, Domaio e o Meixoeiro. Con ela poderás conectarte a internet a través dunha conta de correo electrónico que dá acceso a un portal de benvida con información de Vigo e dispoñible en 14 espazos públicos (Praza da Constitución, Porta do Sol, Praza do Berbés, Paseo de Alfonso, A Pedra, polideportivo do Berbés, nas piscinas de Lavadores, Teis e Valadares, os polideportivos de Bouzas, Coia e Lavadores e os complexos deportivos de As Travesas e Samil).

Esta rede tamén se poderá empregar para uso interno en dependencias municipais, que contarán con pantallas multimedia para que os cidadáns coñezan as actividades que se desenvolven en Vigo.

También te puede interesar