RGPD - Cookies
Vigo al minuto

Mil persoas demostrarán que son máis que profesionais

En total, 977 persoas xa solicitaron participar nas 4.343 probas de avaliación en competencia clave que lles permitirá acceder á formación para o emprego asociada aos certificados de profesionalidade sen estudos previos. Case unha media de 4,4 probas por persoa apuntada, xa que cada solicitante pode presentarse a varias avaliacións. O 90 por cento dos aspirantes optan a certificados de profesionalidade de nivel 2 e só 429 apuntáronse para o nivel 3.

Galicia foi a primeira comunidade autónoma en realizar este tipo de avaliación, que permitirá que non só accedan aos cursos os cidadáns en posesión de titulacións ou acreditacións oficiais, senón a calquera persoa que acredite que posúe os coñecementos e capacidades básicas. As probas realizaranse o 26 e 27 de febreiro e o 5 e 6 de marzo.

As competencias clave son os contidos de formación básica e que se dividen en 8 áreas: lingua galega, lingua castelá, linguas estranxeiras, matermáticas, ciencia, tecnoloxía, dixital, xeografía e historia. E as avaliacións máis solicitadas foron lingua castelá (961), lingua galega (941) e matemáticas (941). Isto débese, en grande medida, á gran demanda de certificación na ocupación de atención sociosanitaria a persoas no domicilio.

Entre os solicitantes, 377 persoas examinaranse no centro nacional de FP Ocupacional de Santiago; 297 no centro de FP ocupacional de Vigo; 290 no de Santa María de Europa de Ourense, e 53 persoas en Lugo.

También te puede interesar