RGPD - Cookies
Cultura Música y Cine

Intercambio de libros e proxección de Fargo no C.P do Carballal

Fotograma da película Fargo.
Fotograma da película Fargo.

Mañá tes unha oportunidade ideal para ver ‘Fargo’ ou para intercambiar libros mentres os nenos están entretidos. Farase intercambio de libros: as persoas traen o seu libro favorito para intercambialo con outra persoa. Será no salón de actos do Colexio Público do Carballal (Cabral), ás 20:00 horas.

Nestas actividades, proxectaranse películas de calidade que non é habitual velas nos circuítos comerciais. O remate do filme farase un coloquio sobre a mesma acompañado dun café, e no tempo que duren as actividades de intercambio de libros e proxección, haberá un taller de xogos para nenos as atendido por persoal da Asociación Cultural o Coto, a organizadora.

Fargo é unha excelente película dos irmás Coen, chea de ironía, humor negro e cunha excelente interpretación dos seus actores principais.

FICHA TÉCNICA

Película:  Fargo
Director: Joel Coen
Pais: Estados Unidos
Ano: 1996
Sinopse: Un home de carácter introvertido e tímido casado coa filla dun millonario que lle mantén totalmente aloxado da súa fortuna, decide contratar a dous delincuentes para que secuestren a súa esposa e así co seu rescate poder montar seu propio negocio.
Pero no transcurso do rapto, tres persoas inocentes resultan brutalmente asasinadas, sendo o comezo dunha serie de mortes sen sentido que terá que resolver a policía.

Palmarés: Oscar mellor actriz (Frances McDormand) e mellor guión orixinal e premio a mellor dirección no Festival de Cine de Cannes.

Ao día seguinte, ás 18:00 h. terá lugar tamén no Colexio Carballal, a resentación da obra Infinitas Posibilidades por parte do grupo de teatro Lareira, obra dirixida por Carlos Ballesteros.

O espectáculo que presentarán está composto por seis pezas teatrais coas que se pretende mostrar ó público as diferentes situacións que poden acontecer na vida cotián entre homes e mulleres, homes e homes, etc.; iso sí, tratados desde o respeto, pero con muito humor. As cinco primeiras son autoría de José Luis Alonso de Santos e a última de Paco Mir.

También te puede interesar