RGPD - Cookies
Deportes Destacados

Conta atrás para a Supercopa de España de Fútbol Sala en Vigo

Celebración do sorteo da Supercopa.
Celebración do sorteo da Supercopa.

O tenente de alcalde, Santi Domínguez, presidiu este luns o sorteo das semifinais da XX edición da Supercopa de España de Fútbol Sala, que se celebrará os vindeiros 7 e 8 de xaneiro no pavillón de As Travesas. No acto, que determinou o enfrontamento de El Pozo Murcia Turística co F.C. Barcelona na primeira semifinal e o Inter Movistar co Xacobeo 2010 Lobelle Santiago na segunda, o tenente de acalde afirmou que a celebración deste evento ten por obxectivo que Vigo se sitúe «no máis alto» e que sirva para «potenciar o deporte base».»Para Vigo é tremendamente importante acoller esta Supercopa», afirmou o nacionalista, xa que ao seu xuízo a cidade ten unha «gran traxectoria deportiva». No sorteo, que tivo lugar nunha carpa ubicada na recén reformada Porta do Sol e que contou tamén coa presenza do concelleiro de Deportes Xabier Alonso, o nacionalista asegurou que a Supercopa será un «éxito de público» e expresou o seu desexo de que este torneo «veña para quedarse».

O presidente da Federación española de fútbol sala, Javier Lozano, agradeceu ao tenente de alcalde a súa confianza na Federación para organizar a Supercopa. «Queremos que sexa unha auténtica festa e que sirva para cumprir os obxectivos» de fomentar que os nenos practiquen deporte e que o público se divirta. «A Liga Nacional de Fútbol Sala vén a Vigo para quedarse e para que toda a cidade se enganche ao fútbol sala», confirmou Lozano tras a celebración do sorteo.

Para decidir o emparellamento das semifinais que terán lugar o xoves, 7 de xaneiro, empregouse nesta ocasión un novo sistema, no que se utilizou unha portería de futbol sala. Javier Lozano, e Xabier Alonso foron os encargados de lanzar os tiros a porta que decidiron a primeira semifinal, mentres que Santi Domínguez e o vicepresidente deportivo do Coruxo F.C., Pachi Comesaña, lanzaron os que determinaron a segunda.

También te puede interesar