_agenda Agenda

O aire noruego de Kings of Convenience abre o Sin Sal este outono

Os noruegos Kings of Convenience abrirán o Sin Sal.
Os noruegos Kings of Convenience abrirán o Sin Sal.

Cambio de estación e cambio de Sin Sal. A nova edición deste festival chega o próximo 3 de novembro con novidosas propostas musicais nas que as mutación do folk, o rock ou o pop, as novas formas da electrónica e a música clásica centrarán o programa. Os encargados de dar paso a unha nova estación serán os noruegos Kings of Convenience, que tocarán xunto coa cantautora chilena Javiera Mena no Centro Cultural Caixanova (3 de novembro, 21 horas), a un prezo de escándalo: entre 10 e 15 euros.

Ao día seguinte, tomará o Marco (20:30 horas) Bedroom Community, un grupo formado por dous estadounidenses, un islandés e un australiano cunha polifonía de voces unidas por algo máis que a filiación comercial (10 euros).

Tender Forever e Emilio José chegan ao Marco o 19 de novembro (20:30 horas, 10 euros). Baixo o primeiro nome agóchase Melanie Valera, unha francesa afincada en Portland que reivindica a sinxeleza tras a sorpresa dos seus primeiros discos.

O 30 de novembro é o turno da mestura de riffs propios do heavy metal con propostas post-rock dos fineses Circle, que xa quedaron baixo a etiqueta de heavy alternativo. Será tamén no Museo Marco, ás 20:30 horas (8 euros).

A responsabilidade de pór a guinda final recaerá esta estación na banda californiana The Dodos (17 de decembro no Marco ás 20:30 horas) e o seu estilo psych folk que deixa composicións de corte clásico cunha sección rítmica a cargo dunha eminencia en percusión africana, Logan Kroeber.

También te puede interesar