Destacados Vigo al día

O torreón de Patín, para os veciños de Bouzas

A Casa do Patín pasará a ser de uso sociocultural da vila.
A Casa do Patín pasará a ser de uso sociocultural da vila.

O Concello de Vigo está a piques de pechar a adquisición da emblemática Casa do Patín, na rúa Diego Santos, que servirá como un dos eixos fundamentais da rehabilitación do barrio de Bouzas. Esta vivenda, que destaca polo seu torreón, destinarase a equipamento sociocultural para os veciños, dando resposta a unha vella demanda de Bouzas. Coas negociacións practicamente pechadas, a rehabilitación do edificio consistiría na limpeza da pedra, a reposición de carpinterías de madeira para adaptar a estética ao PEPRI de Bouzas, un cambio na cuberta e melloras no aillamento.

Ademáis da rehabilitación da Praza de Diego Santos e da praza Cruceiro Vello (esta última o vindeiro ano), outro dos inmobles que se rehabilitarán está na rúa Ferreiros, onde haberá que eliminar as carpinterías de aluminio e as reixas para adaptar a vivenda as condicións estéticas esixidas, xunto con cambios na cuberta e melloras no aillamento. En total, 60.000 euros para a rehabilitación dos inmobles que se completará coa humanización da praza.

Santi Domínguez e o concelleiro de Patrimonio, Eudosio Álvarez, falan cos veciños.
Santi Domínguez e o concelleiro de Patrimonio, Eudosio Álvarez, falan cos veciños.

También te puede interesar