A VI Festa do Tinto Rías Baixas, que se celebrou este fin de semán en As Neves, rematou cun grande éxito de participación e de visitantes, que se achegaron ao ‘sol do Condado’ este sábado e durante todo o domingo. A mesma, ademáis de dar a coñecer os excelentes caldos que se elaboran no Condado, ofreceu aos visitantes e veciños un coidado programa de actividades a fin de que poidesen aproveitar os dous excelentes días de verán que acompañaron á festa.
Este domingo, amaneceu ás 11 da mañá, cun pasarrúas, coa Charanga Trouserghas; seguiu ás 7 da tarde cunha Festa Infantil e Teatro na Rúa na que Troula Animación representou ‘A Invasión Pirata’, e despediuse ate o ano que ven, ás 9 da noite, cun Concerto a cargo da Banda de Música de Guláns (Ponteareas).
