Carlos Díaz | vigoalminuto
O incendio forestal que permanecía activo en Calvos de Randín xa está extinguido despois de afectar a 518,1 hectáreas, segundo informou a Consellería do Medio Rural. Do total da superficie queimada, 370 hectáreas eran arboradas e 148,1 correspondían a terreo raso.
A evolución do lume obrigou á Xunta a declarar durante o incendio a situación 2 de emerxencia, de maneira preventiva, pola proximidade das lapas ao núcleo de As Meaus, no concello limítrofe de Baltar.
O dispositivo despregado para combater o incendio estivo formado por sete técnicos, 48 axentes, 55 brigadas, 33 motobombas, cinco máquinas pesadas, seis unidades técnicas de apoio, dez helicópteros e once avións.
Co lume xa extinguido, a Consellería mantén as recomendacións á cidadanía para facilitar unha resposta rápida ante novos incendios. O teléfono 085, gratuíto, está dispoñible para comunicar a detección dun lume forestal.
Tamén se pode utilizar Alume, a aplicación habilitada para informar sobre incendios forestais activos en Galicia. Para comunicar de maneira anónima posibles actividades relacionadas coa provocación intencionada de incendios existe o teléfono gratuíto 900 815 085.
OuTraS NoVaS
- Extinguido o incendio de Calvos de Randín tras arrasar 518 hectáreas
- Vigo Centro asegura que el Cíes Market y la noria de Navidad se trasladarán este año a Vialia
- Un altercado de tráfico acaba en tragedia: muere un hombre tras una pelea en Mos
- La Alianza pola Vivenda de Vigo reclama un ‘Real Decreto Maricarmen’ y llama a concentrarse hoy contra los desahucios
- Los astilleros de Vigo reciben 24,6 millones de euros en ayudas públicas durante 2026
