C.Díez | O Porriño
O Concello do Porriño facilitará o acceso ao Monte Faro de Budiño para as persoas que queiran seguir desde este enclave a eclipse solar do vindeiro 12 de agosto. Ademais, habilitará un servizo gratuíto de autobuses desde o casco urbano e acondicionará dúas zonas de aparcamento para atender a afluencia prevista.
Horarios
Os autobuses sairán desde a Avenida de Galicia e a N-550 ás 17.00, 17.40 e 18.25 horas. O regreso realizarase ás 22.15, 23.00 e 23.45 horas. Cada expedición contará con 37 prazas, que se ocuparán por orde de chegada.
Debido ás características do terreo, o autobús deixará ás persoas usuarias a uns dous quilómetros do cumio, polo que o último tramo deberá realizarse a pé.
Ademais do transporte público, habilitaranse dúas zonas de aparcamento para os vehículos particulares.
Reparto de lentes homologadas
O Concello distribuirá 1.000 lentes homologadas no Monte Faro de Budiño entre as persoas que acudan a observar a eclipse. Ademais, entregará outras 750 lentes durante a mañá do mércores a menores de 18 anos empadroados no municipio.
A Garda Civil e as autoridades de consumo lembran que a observación do Sol debe realizarse unicamente con lentes homologadas que cumpran a normativa de seguridade.
Actividades programadas
A programación comezará ás 17.15 horas cun roteiro circular guiado polo Monte Faro de Budiño, con prazas limitadas.
Ás 18.15 horas desenvolverase un obradoiro infantil de pintacaras e elaboración de chapas conmemorativas, tamén con inscrición previa.
Entre as 19.00 e as 19.45 horas realizarase a entrega das lentes homologadas e de material informativo antes do inicio da eclipse.
As persoas interesadas en participar tanto no roteiro como no obradoiro deberán inscribirse previamente no Rexistro Xeral do Concello, de maneira presencial ou telemática.
Durante a xornada haberá tamén un posto de comida e bebida xestionado pola Comisión de Festas de San Blas.
OuTraS NoVaS
- O BNG reclama á Xunta unha residencia pública para Vigo tras 17 anos de promesas incumpridas
- Dos heridos graves en una colisión frontal entre un coche y una moto en Cerdedo-Cotobade
- As Rías Baixas superan os 700.000 turistas nun verán de récord e xa concentran o 35% das visitas a Galicia
- El Galician Freaky Film Festival cierra su décima edición con más de 5.000 asistentes
- Dos tripulantes rescatados con síntomas de hipotermia tras sufrir su embarcación una vía de agua cerca de Cangas
