O talento de Tomiño segue a abrir camiño no panorama da fotografía española. A nosa compañeira Pily Reñones chega aos Premios Goya con catro obras seleccionadas, consolidando o seu prestixio e converténdose nun referente do sector. Formada en Imaxe e Sonido, conta con máis de 25 anos de experiencia profesional e unha carreira marcada por recoñecementos internacionais.
No último ano, conseguiu dúas estatuillas de prata nos Muse AWARDS Photography, nas categorías de ‘Retrato’ e ‘Gráfico documental’, ademais dunha mención de honra que subliña a calidade técnica e creativa do seu traballo.
Catro obras nomeadas aos Goya
O vindeiro 7 de febreiro, Reñones regresará a Zaragoza, sede dos Premios Goya, con catro obras: dúas en libre creación e outras dúas en retrato. Estes galardóns, os máis prestixiosos do ámbito estatal, consolidan a súa posición no panorama español e sitúan a Tomiño no mapa da fotografía de excelencia.
Pily explica que «regresar a Zaragoza e ter o luxo de volver camiñar sobre esa alfombra vermella con compañeiros de toda España é un reto e un desafío que me fai crer e demostrar que desde o noso rural tamén se pode alcanzar a excelencia se somos constantes e traballamos nos nosos soños.”, e engade: «cando fotografío, intento ser a voz de quen non a ten».
Tras os Goya, Pily Reñones continuará con varios proxectos, entre eles un libro fotográfico que explora formas de vida de diferentes partes do mundo e outro centrado nas paisaxes rurais e as súas xentes.
Outras novas
- Samil y O Vao estrenan el refuerzo de verano: estas son las líneas de autobús que amplían recorrido
- Ana Ortiz acusa a Caballero de manipular y le recuerda las obras pendientes y el caso de la cuñada de Carmela Silva
- Muere un motorista tras chocar contra una furgoneta en la A-52
- Meigas, pactos de sangue e un actor ao límite: así continúa a Mostra de Teatro Amador
- Incautados más de 6.000 juguetes, gafas graduadas y punteros láser ilegales en Mos
