O Nadal comeza en Tameiga e a Sala Rebullón programa dous eventos para celebralo en familia e coas amizades, de acceso completamente gratuito, e para todos os públicos.
Este domingo 21, a Rebullón acolle un concerto de Nadal moi especial. A partir das 18:00 horas, e con entrada de balde, dobre actuación: a Banda de Acordeóns Metropolitana e Argonat Band. Ambas veñen de recibir premios no Mundial de Acordeón celebrado en Montargis (Francia). Argonat Band acadou o segundo posto na súa categoría mentres que a BAM proclamouse campioa.
Outras novas
- Las Cíes rozan las 4.500 autorizaciones al inicio de Semana Santa
- Un vecino habría cargado a una comunidad de propietarios más de 45.000€ por facturas personales
- Obras de emergencia en la A-55 para reparar el firme entre Vigo, O Porriño, Mos y Tui
- La familia de Déborah Fernández pide que la UCO asuma la investigación de su muerte
- O Porriño reforza o Servizo de Axuda no Fogar cun novo contrato que incorpora un protocolo de riscos psicosociais
Banda de Acordeóns Metropolitana (BAM)
A Banda de Acordeóns Metropolitana (BAM), que ensaia nas Pedriñas, é unha formación musical sen ánimo de lucro cuxa meta é participar en eventos musicais inolvidables. Fundada no 2019, actualmente está formada por 45 instrumentistas acompañados por unhas 30 voces corais. Cultiva un repertorio con arranxos musicais propios, no que se recollen desde pezas do folk galego ata éxitos populares ou composicións clásicas.
Argonat Band
Argonat Band, pola súa banda, é un grupo de pop e rock ‘n’ roll composto maioritariamente por acordeóns, un total de oito, acompañados por violín, gaita, baixo eléctrico e batería. Fan versións dos clásicos, temas modernos con instrumentos clásicos, unha mestura que garante unha boa tarde de música e divertimento na Rebullón.
