O Concello do Porriño deu un novo paso na transformación ambiental da contorna do río Louro coa adquisición de novas parcelas destinadas á creación dun gran parque fluvial. Así, o alcalde Alejandro Lorenzo vén de asinar a compra de 32 terreos e anunciou que antes de finalizar o ano formalizará a adquisición doutras 32, que se suman ás 24 parcelas xa mercadas en 2023.
Máis de seis hectáreas
No seu conxunto, os terreos adquiridos superan as seis hectáreas de superficie e permitirán desenvolver o futuro Espazo Público de Lagunaxe Multifuncional, un proxecto estratéxico que busca reducir o risco de inundacións, restaurar o ecosistema fluvial e crear novas zonas de lecer e convivencia para a cidadanía. A iniciativa está incluída no PIA e contará con financiamento de fondos europeos.
Nesta liña, o proxecto aposta por solucións baseadas na natureza, coa construción dun sistema de lagunaxe capaz de almacenar auga en episodios de choivas intensas, protexendo así zonas urbanas e industriais especialmente vulnerables. Ademais, prevé a restauración ecolóxica das ribeiras e dos humedais asociados ás Gándaras de Budiño, espazo integrado na Rede Natura 2000.
Outras novas
- Las playas de Ribeira, Santa Marta y A Ladeira, en Baiona reabren al baño
- La Atención Primaria de Vigo agrava su crisis en verano: citas con cuatro semanas de espera
- “Mientras Caballero coloca luces en julio, las alcaldesas de A Coruña y Santiago trabajan por sus aeropuertos”
- Nigrán converterá os antigos cines da Ramallosa nun espazo con auditorio e sala de proxeccións
- Hallan muerta a Carmen López Rebolo, la joven desaparecida en Lugo el pasado 21 de julio
Sendas peonís e ciclistas
A actuación inclúe a creación de sendas peonís e ciclistas, pasarelas de madeira sobre zonas inundables, áreas de xogo e puntos de encontro veciñal, co obxectivo de mellorar a conectividade entre O Porriño e Torneiros e superar a actual barreira territorial que supón a canle do Louro.
