Os sindicatos CSIF, UXT e CCOO convocan concentracións en toda Galicia este xoves, 30 de outubro, para reclamar subas salariais e melloras nas condicións laborais do persoal empregado público. As mobilizacións forman parte dun calendario de accións baixo o lema “Negociación, subida salarial e mellora dos servizos públicos”, que podería culminar nunha manifestación e folga xeral en decembro se o Goberno “segue bloqueando a negociación”.
En Galicia, as concentracións terán lugar ás 12:00 horas diante da Delegación do Goberno na Coruña e fronte ás subdelegacións en Lugo, Ourense e Pontevedra. Os sindicatos fan un chamamento á participación de todo o persoal público, tanto da Administración Xeral do Estado como das administracións autonómica e local.
Outras novas
- A Audiencia de Ourense arquiva a causa contra Jácome por prevaricación e descarta delito: “é unha cuestión administrativa”
- 7,6 millones de euros para las nuevas obras de humanización en Coia, que arrancarán en julio
- Caballero arremete contra Louzán por el Mundial 2030… aunque el presidente de la RFEF declaró que Vigo tiene que ser sede
- La Diputación ofrece pagar la reforma integral de Clara Campoamor y acusa a Caballero de no pedir los fondos
- Detenido en Vigo por apuñalar a un hombre cerca del corazón tras una pelea por un partido de fútbol
Preto de 1.900 millóns en atrasos salariais
Os sindicatos denuncian que o Goberno acumula 1.860 millóns de euros en atrasos salariais nos últimos dez meses. Entre as súas demandas destacan a apertura inmediata dunha negociación dun novo acordo salarial, cláusulas de revisión automática vinculadas á inflación, reforzo dos cadros de persoal e melloras nas condicións de xubilación, equiparación salarial e modernización do marco laboral do sector público.
UXT, CSIF e CCOO aseguran que a falta de resposta do Goberno deixa a mobilización como “a única vía” para garantir uns servizos públicos de calidade e unhas condicións laborais dignas.
