O Observatorio Esculca informa de que foi admitido a trámite o recurso contencioso-administrativo interposto polo noso observatorio contra o Decreto que outorgou a Medalla de Ouro de Galicia a Leonor de Borbón y Ortiz.
Así, a Sección Terceira da Sala do Contencioso-Administrativo do Tribunal Superior de Xustiza require á Consellería de Xustiza, Interior e Relacións Laborais para que aporte o expediente administrativo completo relativo ao procedemento para acordar a concesión da Medalla de Ouro.
Agora «teremos a oportunidade de saber cales foron as razóns para outorgar a devandita distinción que, ao noso xuízo, carece de fundamento, e poderá levarse a cabo un control xudicial sobre a mesma», indican os representantes do Observatorio Esculca.
