A Deputación de Pontevedra organiza a próxima semana tres novos obradoiros de capacitación tecnolóxica ao abeiro da Rede SmartPeme+. As accións, en formato telemático (todas elas requiren inscrición previa), celebraranse do martes 16 ao xoves 18 de setembro e afondarán en cuestións de interese para o tecido empresarial da provincia como o deseño web con WordPress, a importancia das páxinas de destino e o uso de Canva para mellorar a imaxe de marca, entre outros.
Martes 16 de setembro
Celebrarase o obradoiro “Obradoiro de Canva para Comercio Local: Promociona a túa tenda coma un profesional”, a partir das 11:00 horas organizado pola oficina de Lalín. As persoas participantes aprenderán a mellorar a imaxe de marca do seu negocio con Canva, creando folletos e publicacións en redes de maneira profesional.
A sesión será impartida por Fátima Faílde, licenciada en Publicidade e Relacións Públicas pola Universidade de Vigo, con experiencia en comunicación corporativa, deseño gráfico e imaxe corporativa, e as inscricións pódense realizar neste formulario.
Mércores 17
Ás 12:00 horas terá lugar o obradoiro “Consegue máis conversións coa Landing Page perfecta” coordinado pola oficina de Pontevedra. Este obradoiro abordará a importancia das páxinas de destino como parte da estratexia de márketing dixital. A través de exemplos e empregando diferentes ferramentas.
Adrián Fernández, licenciado en Comunicación Audiovisual pola Universidade de Barcelona e cunha ampla experiencia na comunicación e no márketing dixital, amosará como mellorar as conversións.
As persoas interesadas poden inscribirse AQUí.
Xoves 18
Tamén ás 12:00 horas a oficina de Vigo desenvolverá o obradoiro “Crea unha páxina profesional con WordPress I”, no que María Aller, licenciada en Publicidade e Relacións Públicas pola Universidade de Vigo e con máis de 3 anos de experiencia en comercio en liña, ensinará as posibilidades que ofrece WordPress.
As persoas participantes coñecerán os pasos para crear un sitio web profesional e optimizado con este xestor de contido e afondarán no seu deseño, desenvolvemento e xestión. As inscricións pódense realizar AQUí.
Outras novas
- KLM conectará Santiago de Compostela con Ámsterdam, a partir del próximo verano
- En peligro 1,9 millones recibidos por el Concello para bonificar viajes en Vitrasa
- Vigolandia vuelve al IFEVI con cinco días de ocio infantil, grandes hinchables y animación
- Arranca la instalación de gradas en el parque Nelson Mandela de Navia
- Seis detenidos por lesiones, tras una violenta pelea en una vivienda ocupada en Vigo
A Deputación destina este ano 1,45 millóns de euros á Rede SmartPeme+ e Acelera Pyme Rural para
asesorar persoas emprendedoras desde as oficinas de Barro, Cambados, Lalín, Ponteareas, Pontevedra, O
Porriño e Vigo.
Desde esta rede lévanse a cabo actividades formativas relacionadas co crecemento empresarial e a transformación dixital, asesorando a ata 2.500 emprendedores, autónomos e pemes ao ano e impartindo arredor de 200 talleres formativos e actividades complementarias.
