A Xunta, a través da Axencia para a Modernización Tecnolóxica de Galicia (Amtega) publica hoxe no Diario Oficial de Galicia a convocatoria de 1.342 prazas de carácter libre para obter a Certificación galega en competencias dixitais no nivel Iniciación (ComDix Iniciación). As inscricións poden realizarse desde o xoves, 11 e ata o vindeiro 24 de setembro, incluído, a través da Rede CeMIT.
Esta convocatoria está aberta a toda a cidadanía e ten como finalidade acreditar os coñecementos, habilidades e actitudes necesarias para utilizar as tecnoloxías dixitais, tanto a nivel persoal como social ou profesional. As probas realizaranse os días 29, 30 e 31 de outubro.
Os lugares, datas e horarios pódense consultar na páxina web da rede CeMIT (https://cemit.xunta.gal), na que figura o calendario das probas presenciais nas aulas CeMIT de 41 concellos de Galicia.
Tras a finalización do prazo de inscrición, e logo da publicación do listado definitivo no caso de que existan prazas vacantes, abrirase un período extraordinario para a súa adxudicación mediante solicitude dos participantes que figuren nos listados de espera.
Tamén en vigoalminuto
- La Porta do Sol se llena de música: cinco conciertos gratuitos con sabor vigués el primer fin de semana de octubre
- Galicia toca fondo demográfico: só 3.086 nacementos fronte a 9.185 mortes
- Susana Rodríguez Gacio conquista en Pontevedra su octavo Mundial
- Denunciado un furtivo con más de 25 kilos de centollo y nécora
- Prohibido el baño en O Carreiro por contaminación microbiológica
Contidos online e avaliación
Na plataforma de teleformación da rede CeMIT pódense atopar en liña os contidos formativos para a preparación da proba, que abarcan as 5 áreas e as 21 competencias definidas no Marco Galego de competencias dixitais. Para obter o certificado ComDix Iniciación é preciso superar na proba un cuestionario de entre 60 e 70 preguntas tipo test que inclúe a avaliación das 21 competencias que establece o Marco Galego ComDix.
