As subcampioas de Europa de balonmán feminino serán as encargadas de dar o pregón das Festas do Cristo 2025, do Porriño. “É un orgullo inmenso contar coas xogadoras do Club Balonmán Porriño como pregoeiras das nosas festas. Son un exemplo de esforzo, constancia e superación“.
“O que conseguiron na competición europea é histórico, pero máis alá dos resultados, o que máis admiramos é o seu espírito loitador. É un orgullo contar cunhas embaixadoras como elas, dentro e fóra da pista”, sinalou o alcalde Alejandro Lorenzo durante o acto de presentación das Festas do Cristo 2025 que contou coa actuación do grupo Acordecans.
26 días de festas e máis de 70 actividades
A lectura do pregón será o sábado 27, ás 13.00 horas, e marcará o inicio da fin de semana grande das
festas, pero ata entón xa serán moitas as citas culturais que se celebren incluídas na programación que se prolongará ata o domingo 5 de outubro, coa cita gastronómica por excelencia do Porriño, a Festa dos Callos, que este ano chega a súa trixésimo segunda edición.
Son en total 26 xornadas de festas con máis de 70 actividades dirixidas a todos os públicos e que
abranguen dende actuacións musicais, deporte, expresión escénica e tamén accións de promoción do
Concello do Porriño como pode ser a xa tradicional feira de Merca na rúa, os días 12 e 13, e a nova iniciativa de Noite aberta, o venres 19, celebrándose tamén este día a Festa Flamenca e o concerto de Xoana.
Música
A primeira gran cita musical será mañá co Negrita Music Festival e continuará o venres 26 cos concertos de Heredeiros da Crus e Beret; o sábado 27 actuará Sash! e o luns do Cristo, a Panorama e París de Noia amenizarán a máis grande das sete verbenas que pecharán o domingo 5 con El Combo Dominicano.
O certame Tes talento?, a batalla de baile e concertos Summer Son Jam e o espectáculo infantil Cantajuego Coco y Pepe completan a axenda musical na que tampouco faltarán concertos de bandas de música.
Deporte
No ámbito deportivo, coma sempre os clubs deportivos estarán presentes con exhibicións e presentacións das diferentes modalidades: fútbol, baloncesto, patinaxe e aeromodelismo, destacando a celebración de eventos como ‘La nocturna’, este mesmo sábado, ou Dirt-Track Xacob Agra o domingo, a Interrunning o día 21, o Torneo de Xadrez o 23 e a Milla Porriñesa o 4 de outubro.
A Festa do Peregrino, monólogos, obradoiros infantís, animación de rúa con batucadas e charangas e outras actividades completan o programa festivo.
Primeira fin de semana festiva con música urbana e deporte
Logo do espectáculo de ilusionismo e o de marionetas, a programación continuará ao longo da fin de semana con importantes eventos deportivos. O Club de Aeromodelismo Furaventos celebra o sábado e o domingo o Furaventos Meeting, un encontro internacional que reunirá a medio cento de pilotos de España, Francia e Portugal no que se exhibirán grandes avións. Ademais, mañá sábado, a partir das 16.00 horas, terá lugar a proba ciclista La Nocturna polas rúas do casco urbano, e o domingo, ás 16.00 horas no velódromo municipal, disputarase o XX Dirt-Track Xacob Agra.
O Negrita Music Festival
Será a gran cita musical da fin de semana. Este sábado, día 6, a partir das 16.00 horas e ata a
madrugada, no aparcadoiro da rúa Progreso, actuarán:
- West SRK
- Xiyo & Fernández
- Cyril Kamer
- La Pantera
- Hard GZ
- Yung Beef
- Groove Amigos
- B2B Traffic House
- Alvama Ice e
- Galician Army
Tamén o sábado, ás 20.00 horas no Parque do Cristo, concerto do trompetista Manuel Mardanás e o
domingo 7, á mesma hora, na Praza Arquitecto Antonio Palacios, actuación “Nas tres linguas do Camiño” de Gustavo Almeida.
Tamén en vigoalminuto
- Este domingo, eclipse lunar total visible, parcialmente, desde Vigo
- El IEO estudia estrategias para la reducción de los descartes pesqueros y las capturas accidentales
- The Wild, continúa en San Miguel de Oia
- Lluvia intensa este domingo
Aqui tes toda a información
Toda a programación pode consultarse de xeito actualizado na web ecultura.net onde tamén se irán
informando de posibles cambios debido, sobre todo, ás condicións meteorolóxicas, e irase publicando a
diario nas redes sociais municipais.
De xeito paralelo, esta fin de semana Carracido celebra as festas na honra á Virxe dos Milagros. Este sábado haberá verbena con Son de Cíes, o domingo misa e procesión acompañada pola
Banda de Música Municipal do Porriño e o luns 8, ao mediodía, de novo misa con procesión coa Banda de Música Municipal de Redondela e pola tarde as tradicionais cucañas.
