A Oficina de Turismo do Porriño leva atendidas a máis de 450 persoas dende a súa apertura, en agosto. Deste xeiro, converteuse nun espazo esencial tanto para quen percorre o Camiño de Santiago como para aquelas persoas interesadas en descubrir a vila do Louro e a súa contorna.
A maior parte das consultas estiveron relacionadas coa Ruta Xacobea, con especial interese en
información práctica, orientación sobre as etapas e selado das credenciais. Ademais, un número crecente de visitantes solicitou tamén datos sobre o patrimonio, a cultura e a oferta lúdica local, o que amosa o atractivo turístico do Porriño, máis alá do Camiño.
“A posta en marcha deste servizo, pois ata agora dispoñíamos dun punto de información, está a resultar
unha peza clave para dinamizar o territorio, reforzar a acollida e poñer en valor os recursos locais”, explica o alcalde Alejandro Lorenzo. Dispor dun punto de información turística actualizado e accesible é
fundamental tanto para visitantes como para a propia veciñanza.
Tamén en vigoalminuto
- Avanza a reparación do noiro da AG-57, tras os desprendementos dos temporais
- Marín acoge el Campeonato Gallego de Kickboxing y Muaythai 2026, con récord histórico de participación
- El próximo día 23 abre el plazo para solicitar plaza en las escuelas infantiles municipales
- El Gobierno estudia bajar el IVA de la electricidad para contener los precios ante la crisis energética
Unha técnica de turismo, contratada a través dunha axuda da Deputación de Pontevedra, é a encargada de atender este oficina “convertida nunha ferramenta estratéxica que nos permite acompañar ás persoas que chegan ao Porriño, dándolles unha imaxe acolledora e ofrecendo unha atención de calidade que repercute positivamente na nosa vila”, sinala a concelleira de Turismo Vanessa Ucha.
