O Bloque Nacionalista Galego (BNG) acusa o Goberno municipal de “non mover un só papel nin ter intención de facelo” para que Vigo sexa zona tensionada do mercado da vivenda. A fronte nacionalista urxe iniciar os trámites para esta declaración —unha medida aprobada polo Pleno hai 16 meses por iniciativa do Bloque— despois da súa aprobación oficial na Coruña e os avances en Santiago de Compostela.
Xabier P. Igrexas, portavoz do BNG, interpelou este martes na Xerencia de Urbanismo á concelleira María Xosé Caride sobre cando ten previsto o Concello poñer en marcha a tramitación. A edil de Urbanismo limitouse a afirmar que están despregando un paquete de medidas, sen concretar cales, e que van constituír un observatorio para analizar a evolución do mercado de vivenda.
“Que hai que observar?”
Esta é a pregunta que se fai o concelliro nacionalista. “Cantas evidencias máis necesita o Goberno de Caballero para actuar xa fronte o brutal aumento dos prezos do alugueiro, que foi de máis de 31% nos últimos 5 anos?“, cuestionou Igrexas, tachando de “tomadura de pelo” a resposta. Aliás, o portavoz do Bloque quere saber para que encargou o Concello un estudo que xa confirmou que Vigo reúne os requisitos para ter a declaración de zona tensionada.
Reducións entre 50 e 100 euros
Dende o BNG reiteran a urxencia de poñer en marcha esta medida que, malia considerala “insuficiente para atallar o gravísimo problema de acceso social á vivenda”, permitiría reducir entre 50 e 100€ o custo mensual dos alugueiros, que superan xa os 675€ mensuais de media na cidade. Igrexas reclamou cumprir así con este acordo do Pleno municipal, recollido nunha moción nacionalista aprobada en marzo de 2024.
“Son necesarias medidas e decisións xa, non pode agardar un minuto máis”, demandou o portavoz municipal do Bloque, chamando o alcalde a “deixarse de anuncios e promesas e poñer en marcha medidas concretas para garantir o primeiro dereito das viguesas e vigueses que é o de poder vivir na súa cidade”.
Tamén en vigoalminuto
- El presunto autor de la muerte de la trabajadora del SAF de Porriño, seguirá en la unidad de psiquiatría del Cunqueiro
- Investigada por una presunta estafa en el alquiler de viviendas turísticas en la isla de Ons
- Retienen a una ladrona que atracó a una vecina a punta de cuchillo
- La Xunta autoriza el proyecto básico del Concello de Vigo para el túnel de Elduayen
- A Deputación facilitará a primeira experiencia laboral a 130 mozos desempregados
- Buscan cubrir más de 1.600 vacantes en Galicia para la campaña de vendimia 2025
A fronte nacionalista seguir o camiño iniciado na Coruña, que vén de lograr este martes a declaración oficial de zona tensionada do mercado da vivenda, e de Santiago de Compostela, que avanza na súa tramitación “malia os atrancos da Xunta de Galiza gobernada polo PP”.
