O maillot deseñado por Mos para La Vuelta Ciclista a España que remata no Castro de Herville-Mos o próximo 9 de setembro xa está dispoñible para a súa adquisición por parte do público xeral.
Este deseño deste ano destaca pola súa cor amarela e a incorporación da rosa de Mos, que forma parte do escudo e da bandeira do municipio, como símbolo protagonista. Esta rosa figura na parte frontal da prenda, que nunha das mangas leva o deseño do Castro de Herville e noutra o lema municipal SOMOSMOS.
As prendas poderán adquirirse en Tramo Libre, situada na Avenida de Sanguiñeda, e en Deportes González previo encargo. Están todas as tallas dispoñibles, dende a 6 ata a XXXXL, e o prezo é de 65€.
A chegada da etapa 16ª de La Vuelta 2025 ao Castro de Herville en Mos será o 9 de setembro, e o percorrido inclúe 13,2 quilómetros polo termo municipal.
Outras novas en vigoalminuto
- Denuncian la contratación de médicos sin especialidad en centros de Atención Primaria del área sanitaria de Vigo
- O Colexio Plurilingüe Alba impulsa o ciclo de conversas MULLER_ES
- La Audiencia de Pontevedra absuelve al policía local de Vigo acusado de violación
- La Diputación firma un convenio con el Celta para crear una escuela de fútbol
- La Policía Nacional detiene al último implicado en varios robos y la sustracción de dos vehículos
- Caballero apoya la huelga de médicos y carga contra la Xunta por su “pésima actuación” en la sanidad
Con este novo deseño, que xa luciu o veciño de Mos, excampión do Tour de Francia e actual embaixador de La Vuelta, Óscar Pereiro, na presentación da etapa en Afouteza, Mos volve colocarse no mapa do deporte internacional coa forza da súa identidade e o orgullo dun pobo que se recoñece na súa historia e mira con ilusión cara ao futuro.
