O Concello de Mos viviu este sábado unha mañá de exercicio físico coa celebración da Festa da Bici, unha actividade que reuniu a centos de persoas arredor do deporte, a convivencia e o orgullo comunitario. A xornada, enmarcada dentro da programación especial pola saída da Vuelta Ciclista a España 2025 desde Mos, contou cunha elevada participación e un ambiente familiar.
A actividade central foi unha ruta ciclista polas rúas do polígono, con chegada ao Campo de Fútbol das Baloutas, onde os asistentes puideron gozar dunha gran merenda, inchables, obradoiros creativos, animación para a cativada e unha convivencia que reforzou o espírito deportivo e social do municipio.
Tamén en vigoalminuto
- El Concello rechaza el convenio para que la Diputación invierta 1,7 millones en humanizar Rosalía de Castro
- Localizan sin vida en A Florida al vecino de Vigo desaparecido el domingo
- Máis de 163 toneladas de lixo retiradas das costas galegas: neumáticos, cabichas e microplásticos entre os residuos
- Caballero insiste en que Vigo necesita una nueva presa para garantizar el suministro de agua
- San Simón Y Santo Antón, donde los criminales franquistas mataron a 517 presos, ya es ‘Lugar de Memoria Democrática’
- Qué hacer este fin de semana en Vigo: fiestas, conciertos y una veintena de planes en la ciudad y su área
Homenaxe aos clubs de fútbol locais
Un dos momentos máis emotivos da mañá foi o homenaxe aos clubs de fútbol locais que acadaron logros destacados esta tempada, cun recoñecemento especial aos seguintes equipos:
UD Mos:
Equipo Infantil: Campións da 1ª Galicia Futgal Grupo 4º e ascenso a Preferente Futgal.
Alevín: Campións de Liga 2ª Futgal Grupo 1º e ascenso a 1ª Galicia.
Xuvenil: Ascenso a 1ª Galicia.
Club Louro Tameiga:
Senior: Ascenso a Segunda Futgal.
Equipo Infantil feminino: Campioas da segunda fase da Liga Galega Infantil.
Infantil masculino: Ascenso a Segunda Futgal.
Durante o evento entregáronse tamén camisetas conmemorativas aos menores de 14 anos inscritos, que esgotaron as 500 unidades dispoñibles.
A alcaldesa, Nidia Arévalo, subliñou que “a Festa da Bici representa á perfección o que queremos para Mos: un concello activo, unido e orgulloso dos seus deportistas. Hoxe foi unha festa da mobilidade sostible, da familia e tamén do talento local”.
