O Porriño converteuse onte nun auténtico escenario digo da aldea gala de Astérix e Obélix, viaxando simbólicamente ao pasado, para dar o pistoletazo de saída a unha nova edición de Porrigalia, os Xogos Olímpicos máis orixinais e divertidos de Galicia que terán lugar o 12 e o 13 de xullo e nos que haberá moitas sorpresas.
A cita tivo lugar na Praza Arquitecto Antonio Palacios que se transformou nun coliseo cheo de enerxía, entusiasmo e fantasía, gracias á celebración de Preporrigalia 2025, unha xornada que congregou a 183 alumnos e alumnas de 3º de Primaria dos centros educativos do Porriño, así como a alumnado de Aceesca.
O evento contou coa presenza do Alcalde, Alejandro Lorenzo, quen estivo acompañado doutras autoridades locais e do carismático Rafa Durán, humorista e comunicador, quen fixo unha entrada triunfal na Praza do Concello caracterizado de romano a bordo dun carro tirado por cabalos, tras un percorrido polas rúas do centro da vila.
“Preporrigalia é moito máis que un acto previo: é a semente que fai medrar o espírito de Porrigalia nas rúas, nos colexios e nos corazóns do Porriño. Hoxe, os máis pequenos déronnos unha lección de ilusión, enerxía e comunidade. Esta praza foi unha festa, pero tamén foi unha mensaxe: xa estamos preparados para vivir Porrigalia como nunca antes”, sinalou o alcalde.
Tamén en vigoalminuto
- Tui celebra a Festa do Miño con gastronomía popular, música en directo e prezos desde 1 euro
- O BNG leva ao Concello un plan para recuperar o Lagares, o río que máis plásticos verte á ría de Vigo
- Nueva batalla por Peinador: la Diputación pide unidad y Caballero dice que el PP «ha acabado cediendo»
- Abraham Mateo transforma Castrelos en una gigantesca pista de baile
- Las playas de Ribeira, Santa Marta y A Ladeira, en Baiona reabren al baño
- La Atención Primaria de Vigo agrava su crisis en verano: citas con cuatro semanas de espera
Durante a mañá, os nenos e nenas desfrutaron dun amplo programa de actividades que incluíu:
- Probas deportivas como salto de altura, salto de lonxitude e loita
- Animación de rúa e xogos populares
- Representacións de personaxes históricos pertencentes a distintas civilizacións
- O acto rematou coa simbólica entrega de medallas e das tradicionais laranxas de Porrigalia, poñendo o punto final a unha xornada chea de maxia, risa e espírito olímpico.
- Preporrigalia 2025 foi unha xornada festiva e participativa que mesturou deporte, historia,
diversión e convivencia, marcando o inicio dunha nova edición dun dos eventos máis emblemáticos do Porriño.
