O Bloque Nacionalista Galego (BNG) manifesta o seu total rexeitamento ao feche da oficina postal do Porto de Vigo, unha decisión que cualifican como «ilóxica» e que consideran un novo recorte no servizo postal público na cidade.
Xabier P. Igrexas, portavoz municipal do BNG, anunciou que levarán este asunto ás Comisións Informativas e ao Pleno do Concello para demandar ao alcalde, Abel Caballero, que esixa ao Goberno central a reapertura inmediata desta oficina e a reversión dos recortes aplicados nos últimos anos.
Nunha xuntanza mantida con representantes da sección sindical da CIG en Correos, o Bloque trasladou o seu total apoio á loita contra o feche, que se produciu esta mesma semana. Igrexas destacou que esta medida afecta un dos principais polos de emprego e actividade empresarial da cidade, como é o Porto, e sobrecargará outras oficinas, como a central da Alameda. «Rexeitamos de plano este novo recorte nun servizo esencial, que durante a pandemia foi declarado de carácter prioritario», afirmou.
Igrexas subliña o papel chave de Correos, non só nos servizos postais e de loxística, senón tamén como facilitador do acceso á administración pública e a servizos bancarios. «É incomprensíbel que se queira deixar o Porto de Vigo sen oficina postal, unha decisión que só obedece á política de recortes continuados por parte dunha empresa pública que debería priorizar o servizo á cidadanía», criticou.
Otras noticias
- Colchones, muebles y basura convierten una zona de Vigo en un vertedero ilegal
- Crece la presión sobre Caballero tras la imputación de su concejala de Seguridad por el caso “Saltamontes”
- La Policía desmantela dos ‘narcopisos’ en Vigo y detiene a cuatro personas
- Fin a la huelga médica: Xunta y profesionales pactan subidas salariales, 35 horas y mejoras en las guardias
- Toma nota: lluvia todo el fin de semana
- Detenido un fugitivo por agresión sexual que se cambió de género para intentar eludir a la Justicia
Recortes no servizo postal en Vigo
Igrexas contextualizou este feche nunha serie de recortes no servizo postal en Vigo, como a recente tentativa fallida de clausurar a oficina do Parque Tecnolóxico e Loxístico de Valadares, a redución de preto de 100 traballadoras e traballadores nos últimos anos e a supresión de servizo nas oficinas os sábados. «Correos debe garantir un servizo á altura da maior cidade de Galiza, revertendo a precarización e os recortes», insistiu.
O BNG esixe que o Concello de Vigo actúe con firmeza para defender os intereses da cidadanía e reclama unha solución urxente que garanta a continuidade dun servizo postal de calidade.
